Ачилтын компанийн ажилчид тээврийн хэрэгслийг шилжүүлэн ачих үедээ тухайн автомашиныг эвдэж сүйтгэн, хүний өмчид халдсан хэргийг Цагдаагийн байгууллагаас шалгаж байна.

Тодруулбал, цахим сүлжээнд цацагдсан дүрс бичлэгт тухайн ачуулж буй тээврийн хэрэгсэл нь хуурамч дугаартай замын хөдөлгөөнд оролцож байсан бөгөөд уг зөрчлийг нь Цагдаагийн байгууллагаас илрүүлж, улмаар ачилтын компани шилжүүлэн ачиж байжээ.

Ингэхдээ автомашины урд дугуйн бэхэлгээг дутуу хийснээс тээврийн хэрэгсэл алдагдаж, улмаар ойролцоо байсан тээврийн хэрэгслийг мөргөж, зогссон байна. Үүнтэй холбоотойгоор уг хэргийг нийслэлийн Баянзүрх дүүргийн цагдаагийн хэлтэс шалгаж байгаа аж.