Өнөөдөр Сүхбаатарын талбай дээр багш, эмч нарын төлөөлөл цалингаа нэмэгдүүлэхээр жагсаж, Үйлдвэрчний эвлэлийн хорооноос хэвлэлийн бага хурал хийлээ. Багш нарын хувьд гурав дахь өдрөө суулт зарлаж байна. Гол шаардлага нь инфляцитай уялдуулж цалингаа 3,5 сая төгрөг болгохыг Монгол улсын засгийн газраас шаардаж байгаа гэнэ. Хэрвээ багш нарын тавьж буй шаардлагыг хүлээж авахгүй бол ажил хаялт зарлана гэдгээ албан ёсоор мэдэгдлээ.