Уг киноны найруулагчаар Чехийн нэрт найруулагч Адольф Зика ажиллах бөгөөд уг бүтээлд олон улсын уран бүтээлчид оролцоно. Мөн дэлхийн хамгийн том стриминг платформуудын нэг Netflix албан ёсоор хамтран ажиллахаар болсон талаар дурдсан.Үүгээр зогсохгүй төслийн төлөөлөгчид удахгүй Монгол Улсад ирж, зураг авалтын байршил, зохиол болон түүхэн судалгаа зэрэг урьдчилсан ажлыг эхлүүлэх бөгөөд энэхүү хамтын ажиллагаа нь Монголын спортын бахархалт түүхийг дэлхийн үзэгчдэд хүргэх зорилготой хэмээж байлаа.

Тэгвэл уг мэдээлэл цацагдаад гурав хоноогүй байхад Чехийн найруулагч  уран бүтээлээ  зогсоох болсон гэх мэдээлэл гарлаа. Тухайлбал түүнийг гэр бүлтэйгээ амарч байхад нь танихгүй дугаараас удаа дараа залгаж, сүрдүүлсэн явдал гарчээ. Найруулагч энэ талаар цагдаад мэдэгдсэн бөгөөд аюулгүй байдлаа цаашид хангах, гэр бүлээ хамгаалах үүднээс төслийг зогсоож, олон улсын баг болон Netflix компани оролцох боломжгүй болсон хэмээжээ.