Монгол улсын ерөнхийлөгчийн санаачилсан "Тэрбум" мод үндэсний хөдөлгөөнд хилчид нэгдээд буйг бид өмнө нь мэдээлсэн. Хилчид 2030 он гэхэд хил дагуух ногоон хэрэм байгуулах төлөвлөгөөтэй ажиллаж байна. Үүнд: 

Бүх анги, салбарт мэргэжлийн агрономич томилон ажиллуулж эхэлсэн бөгөөд 3,000 гаруй гэрээт болон хугацаат цэргийн алба хаагчийг анхан шатны сургалтад хамруулаад байна.

Хил хамгаалах байгууллага сүүлийн гурван сарын хугацаанд хилийн 28 анги, нэг тусгай салбарт мод үржүүлгийн таван агропарк, 24 төв байгуулсан.

17 нэр төрлийн 500 орчим мянган үрсэлгээ, суулгац суулган, үрийн тариалалт хийж, дунджаар 200 орчим мянган үрсэлгээ бэлтгэхээр төлөвлөжээ. Мөн нийт 700 орчим мянган мод болон үрсэлгээ бойжуулж байна.