Мэргэжлийн боксын ертөнцөд 13-0 гэсэн амжилттай яваа гавьяат тамирчин Э.Цэндбаатарын ээлжит тулаанд өөрчлөлт орлоо. Тэрбээр энэ долоо хоногт АНУ-ын Флорида мужийн Тампа хотод Мексикийн боксчин Брэндон Бенитезтэй тулалдах байсан ч тоглолт цуцлагдсан. Э.Цэндбаатарын дараагийн өрсөлдөгчөөр мэргэжлийн рингэнд 23 ялж, зургаа ялагдсан өрсөлдөгчөөр Мексикийн боксчин Абрахам Эдуардо Торрес тодорсон байна. Хоёр боксчны тулаан энэ сарын 21-д болохоор тов гарчээ.